Бокстан Қазақстан жасөспірімдер құрамасының өкілі Жұмағали Нұрмахан Манамада (Бахрейн) өтіп жатқан Азия ойындарында жеңімпаз атанды, деп хабарлайды Sport+ Olympic.kz сайтына сілтеме жасап.
Қазақстандық былғары қолғап шебері 50 келіге дейінгі салмақта топ жарды.
Жұмағали финалда үндістандық Сингх Мойбунгхонгбамды айқын басымдықпен жеңді.
Осылайша ол ұлттық құрама қоржынына алғашқы алтын медальді салды.