Алматылық «Қайрат» сапында ойнаған норвегиялық шабуылшы Чума Анене Sport Plus Qazaqstan сайтына берген сұхбатында Конференция лигасы аясында өтетін «Бранн» мен «Астана» арасындағы матч туралы пікір білдірді.
— Жақында Берген қаласының газетінің подкастына қатысқан едім, ол жерде «Бранн» ойнайды. Қазақстанда өнер көрсеткенімнен көп уақыт өтті, сондықтан «Астананың» қазіргі жағдайын нақты білмеймін. Олар Қазақстан Премьер-лигасында 9-шы орында тұрғанын білемін, бірақ матч қиын болатынына сенімдімін. «Астананың» өз алаңының артықшылығы бар, тіпті Алматыда ойнаса да. «Бранн» — мықты команда және олардың жақсы шабуылшылары бар. Олар «Астанаға» қиындық туғыза алады. «Бранн» Норвегия чемпионатының екінші орынында келе жатыр, сондықтан футболшылардың көңіл-күйі жақсы және өз күштеріне сенімді. Бұл өте қызықты матч болмақ.
— «Қайраттан» кеткеннен кейін Қазақстаннан ұсыныстар болды ма?
— Қызығушылық болған сияқты, бірақ нақты қай клуб екенін есімде жоқ. Мүмкін, біз бұны талқылаған шығармыз, бірақ нақты ештеңе болған жоқ.
— Жақында УЕФА Ұлттар Лигасы аясында Қазақстан мен Норвегия арасындағы ойын өтеді. Осы кездесу туралы ойыңызбен бөліссеңіз?
— Аталмыш матч өте қызықты болады деп ойлаймын. Қазақстан оң нәтижесін көрсетуге тырысады. Алайда, шынымды айтсам, Норвегияны айқын фаворит деп санаймын.