Волейболдан Қазақстан әйелдер құрамасы Қытайдың Тяньцзинь қаласында өтіп жатқан Азия чемпионатындағы екінші матчын өткізді, деп хабарлайды Sport+ Olympic.kz сайтына сілтеме жасап.
Ұлттық құрама бұл кездесуде Аустралия командасымен ойнап, 3:0 (25:21, 25:18, 25:21) есебімен жеңіске жетті.
Айта кетейік, Қазақстан құрамасы алғашқы матчында Индонезияға 0:3 есебімен есе жіберген еді.
Қазақстандық волейболшылар келесі ойынын 25 тамызда Таиланд құрамасына қарсы өткізеді.