«Трабзонспор» «Шахтер» клубының жартылай қорғаушысы Александр Зубковты трансферге алу туралы ұсыныс жасады, деп хабарлайды Sport+ Günebakış Haber-ге сілтеме жасап.
Түрік клубы украиналық ойыншы үшін 6 миллион еуро және 500 мың еуро бонус ұсынуда.
28 жастағы Зубков «Шахтердің» түлегі болып табылады, ол өзінің бүкіл мансабын осы клубта өткізді, тек 2020-2022 жылдар аралығында «Ференцварош» клубында ойнаған кезді қоспағанда.
Ағымдағы маусымда Александр 20 матчта 7 гол соғып, 6 нәтижелі пас берді.
Бұған дейін қысқы трансфер терезесінде «Трабзонспор» тағы бір украиналық шабуылшы Даниил Сиканды өз құрамына қосты.
Айта кетейік, Sport+ телеарнасы Түркия Суперлигасының Қазақстан аумағындағы ресми көрсетілім құқығына ие.