«Әл Ахли» — екі конференция арасында барлық матчтарда жеңіске жеткен жалғыз команда, олардың есебінде бес ойында 15 ұпай бар.
Алтыншы турда құрамында Тони, Марез, Кесси сияқты жұлдыздары бар клуб плей-оффқа шығу үшін күресіп жатқан «Эстегляльмен» кездеседі.
Басты сұрақ — «Әл Ахли» үшін мотивация жеткілікті ме, себебі олар өздеріне 1/8 финалға жолдаманы қамтамасыз етіп қойған.
Ал «Эстегляль» әзірге 7-орында тұр. Соңғы турда олар өз жағдайын жақсарта алар еді, бірақ «Пахтакорды» (Өзбекстан) жеңе алмады.
Бұл қарсыласу 21:00-де басталады. Матчты тікелей эфирде Sport + Qazaqstan телеарнасынан, сондай-ақ Sportplustv.kz сайтынан көруге болады.