Қостанайлық «Тобыл» футбол клубы команданың бас бапкері Мирослав Ромащенкомен келісімшартты ұзартқанын мәлімдеді, деп хабарлайды Sport+ клубтың баспасөз қызметіне сілтеме жасап.
Мирослав Ромащенко 2026 жылдың сәуір айында қостанайлық клубтың тізгінін ұстаған болатын. Маусым қорытындысы бойынша «Тобыл» басшылығы маманмен ынтымақтастықты жалғастыру туралы шешім қабылдады.
Клуб басшылығы бас бапкер мен оның жаттықтырушылар штабына сенім білдіріп, команданың одан әрі дамуына және алға қойылған спорттық мақсаттарға қол жеткізуіне үміт артып отыр.
Алдағы маусымда жаттықтырушылар штабының алдында бәсекеге қабілетті құрам жасақтау, ойын сапасын арттыру және Қазақстан чемпионатында жоғары орындар үшін күресу міндеттері тұр.